SkoleMagasinet

I januar nyttar mange næringsdrivande salskampanjar for å lokke deg som forbrukar til butikkane. Forbrukarombodet ber forbrukarar utvise sunn skepsis overfor marknadsføringa.
Når butikkane i annonsar, eigne aviser og på radio og TV annonserar “Sal!”, “Sjokkprisar” eller gir andre utsegn som tyder på at du no kan gjere gode kjøp, så skal det faktisk vere sal.

Varene som er på “sal” skal tidlegare ha vore seld til den oppgitte førprisen i eit visst monn. Det skal med andre ord vere ein reell førpris, ikkje berre ein “lurepris”.
Utfordrande for forbrukarar å følgje med
Butikkane må dessutan opplyse om den reelle førprisen i marknadsføringa, slik at både forbrukarar, konkurrentar og Forbrukarombodet kan vurdere kva “salet” inneber.

- Det er sjølvsagt vanskeleg for den einskilde forbrukar å vite om førprisane er reelle. Difor klagar få forbrukarar til Forbrukarombodet. Men konkurrentane har ofte god greie på kvarandre sine prisar, og tipsar oss ofte om feil, seier fagdirektør hos Forbrukarombodet Jo Gjedrem.
 

Kjelde: Forbrukarombodet.